Osa do Mar 2022, a oitava grazas a ti!

Pensamos en facer o Osa do Mar 2022 no metaverso e con hologramas para axustar o presuposto pero ao final decidimos intentar facer un festival dos de contacto. E para iso necesitamos da vosa axuda, somos unha entidade sin ánimo de lucro e si queremos facer a oitava edición temos que comezar a buscar financiación debaixo das pedras. Por iso recurrimos a esta campaña de captación de fondos vendendo por adiantado a entrada, camiseta e bolso para poder contar con uns fondos por adiantado que xa precisamos. A data do Festival será a fin de semana do 2 e 3 de setembro en Burela (A Mariña de Lugo). Animádevos a participar e entre tod@s sacaremos adiante a oitava edición do Osa do Mar.

Quen somos?

Para quen non nos coñeza somos un festival pequeno que preparamos desde a Asociación Cultural Fanto Fantini, cada ano, con moita ilusión. Prometemos traballar nun cartel variado e de calidade como até o de agora. Mui pronto poderemos comezar a confirmar bandas. Intentaremos que a esencia se manteña e a fin de semana do Osa se convirta nunha romería cultural con unha explosión musical e bo ambiente.

Recompensas

En canto ás recompensas as vosas aportacións pedímosvos que fagades un exercicio de imaxinación, recordedes as edicións pasadas e confiedes en nós para comprar por adiantado:

- Bono para os 2 días do Osa do Mar 2022: é a entrada ao recinto do Osa do Mar onde poderás ver ás bandas que iremos confirmando. Si vedes os carteis de anos anteriores podedes facervos unha idea de que tipo de bandas serán.

- Camiseta do Osa do Mar 2022: será do estilo da dos últimos anos. Negra e co deseño que sexa a imaxe de este ano (e no que estamos traballando).

- Bolso de tela Osa do Mar 2022: parecido aos que fixemos en edicións anteriores. Bolsos de tela con asas e o deseño serigrafiado do Osa do Mar.

Elixe o pack que mellor se adapte a ti e se eres unha empresa temos un pack especial para que podas sortear ou regalar entradas e camisetas ademáis de vincular a tua imaxe coa do Festival.

Tamén temos unha mui boa oferta (Pack Duosa) para as parexas ou amig@s que queiran mercar ao mesmo tempo.

A que destinaremos as vosas aportacións

O obxectivo de esta campaña é xuntar entre todas e todos 3.000€ que se destinarán a pagar parte das bandas que tocarán en esta edición.

Calendario previsto

A duración da campaña será durante o mes de xaneiro, desde o 3 ao 31 de xaneiro. A entrega dos packs será a partir do mes de abril. Estes poderanse recoller en A Tenda do Roxo ou recibilos por correo.

Máis información

Podedes seguir todas as novas do Osa do Mar 2022 na páxina web www.osadomar.com e nas nosas redes sociais:
- Instagram: @osadomar
- Facebook: @osadomarfest