¡Yá ta! ¡Llegó’l día de grabar el nuestru primer trabayu discográficu!
Garramos el tiempu p'amosavos 11 temes de la nuestra aventura musical, con composiciones y músiques tradicionales de Bretaña y Asturies.
Vosotros sois mui importantes pa nosotros y podéis ayudanos a qu’esti proyectu asoleye. Si vos presta la nuestra música y vos toca una migayina’l corazón, ¡xuníos a nós nesta gran aventura!
Formái parte de la creación d’esti discu sofitándonos, ¡echainos un gabitu! P’agradecer la vuestra ayuda, darémosvos un adelantu de les nuestres canciones y compartiremos con vosotros dellos de los nuestros secretos meyor guardaos… nuevo discu, tote bag, postal, diseñu gráficu…
Pa la grabación pasamos una selmana en Tutu Estudios con Sergio Rodríguez y Sergio Díaz n’Avilés n’abril de 2024. Foi un verdaderu trabayu col equipu de técnicos de soníu que dedicaron el so tiempu a la nuestra música. Pidimos a Serio Rodríguez que s’encargara de la masterización de los nuestros temes, ya que lu conocemos de dellos proyectos anteriores, y confiamos na so gran esperiencia pa esta cabera etapa enantes de la fabricación. Heikki Bourgault tamién participó nel proyectu grabando la voz de la nuestra cantante invitada, Morgane-Macarena-Labbe, en dellos temes del discu.
Un discu ye tamién una nueva imaxe. Pa eso falamos con Sila Herrera -pintora y diseñadora gráfica-, que diseñó’l discu, asina como los cartelos, postales, tote bag… El so llabor foi mui importante, ya que definió enforma la nueva imaxe visual del grupu. También contamos cola gran ayuda de Iván G. Fernández qu’apurrió la so creatividá nel trabayu visual de La Banda… Latira!.
¿Quiénes somos?
Per un llau Bretaña, pel otru Asturies y pel mediu cinco músicos viaxeros que nos faen compartir nun mesmu escenariu l’alcuentru d’unes músiques tradicionales que tienen muncho que dicise.
Xuntos formen una lloca fanfarria que tresllada al públicu d’un llau al otro del Atlánticu, dexándo-y afayar un estilu de música enérxica y folixera qu’amás entemez composiciones y temes tradicionales.
Una fórmula orixinal qu’espierta un gran interés sirviéndose de la creación contemporánea pa tender pontes ente distintes cultures.
Pa qué valdrán les aportaciones
El preciu total del discu ye de 6.000 €.
Pa que’l proyectu llegue a buen puertu necesitamos polo menos 3.000 euros. Estes perres fadrán posible les distintes fases de producción, diseñu y fabricación.
Cada céntimu tendrá gran valir y si ente toes somos a algamar esi oxetivu, podremos sacar el discu n’agostu de 2024.
Gastos:
Producción (Grabación, soníu, mezcla, masterización): 2.500 euros
Creación visual y semeyes: 950 euros
Fabricación (impresión de CD, grabación SDRM): 1.650 euros
Varios (Merchandising, regalos, postales, comisión crowdfunding, publi...): 900 €
Calendariu
La nuestra idea ye sacar el discu nel mes d’agostu, y namás que salga, entamar a unviar les descarges dixitales pa que seáis los primeros en sentilu. El material físicu dirá repartiéndose a partir d'esti momentu.
Contactu y redes sociales
Instagram: La Banda... Latira!
Facebook: La Banda... Latira!
Equí vos dexamos la imaxe del discu y les semeyes de delles recompenses.
-------------------------¡¡MUNCHÍSIMES GRACIES POL TO SOFITU!!-------------------------
6 comentarios
Si ya eres mecenas, Inicia sesión para comentar.
Jonathan Deniz
Por proyectos tan bonitos y como gran trabajo que contribuyen a la riqueza artística y cultural
Marie
Avec tout mon soutien et una ultima tournée de Gin Tooooo ! 🤩
Christian RADIN
Rendez-vous à Lorient !
OscarDavid
Les deseo mucho éxito!! un Abrazo desde Argentina
Elena Martínez
A por ello 💪🎵🎶🎵🎶
jean-claude LEGROS
Super initiative! Bravo à toute la bande...et 100 mille bravos à vous. Jean-claude