LOIROS

No nadal de 2018, Loiros rematamos a gravación do noso primeiro LP. O disco foi gravado e mesturado por Hevi (Malandrómeda) no Laboratorio Soyuz (Trazo, Galiza) e masterizado por Cem Oral de Jammin´ Masters (Berlin, Alemaña). Nel inclúense seis cancións orixinais do grupo coidadosa e amorosamente compostas, executadas e gravadas

Aquí un adianto: Inner War

Sobre as recompensas

Temos unha grande variedade de recompensas e diferentes packs para que elixas o que máis che encha o ollo. Estes son os artigos que ofrecemos:

• LP Rebirthmark (12"), planchado en exemplares de 140g con portada deseñada por Sara Traba.

IMPORTANTE: Os vinilos inclúen tarxeta de descarga dixital e CD.

• CD do noso primeiro EP Arp (2017) nunha edición de colecionista numerada, totalmente feita a man e con portada de Miguel Peralta.

• Camisetas do grupo con deseño de Miguel Peralta.

• Telecaster Loiros Signature totalmente montada, acabada e personalizada polos membros da banda.

Sobre nós

A banda nace no verán de 2016 en Vigo, Galiza, onde Héctor Agulla (batería) e Virxilio da Silva (guitarra e voz) comezan a traballar xuntos na idea dun novo proxecto. Nas súas primeiras composicións conciliaban rock alternativo e jazz a través dun prisma acústico, co uso das voces sen letra como un instrumento máis. Coa entrada dos membros que completan a formación, o alemán Felix Barth (baixo e voz) e o francés Wilfried Wilde (guitarra), o son endurécese, aparecen as primeiras letras e as composicións adquiren máis forma de canción, configurando a idea do que na actualidade é Loiros.

As aportacións do imaxinario musical dos catro compoñentes, dan como resultado unha interesante mestura estilística na que están presentes tanto influencias do Shoegaze, o Grunge, o Post Rock e a Psicodelia, como do Jazz Moderno, o Impresionismo Francés ou a rítmica africana. O seu directo, de certo carácter intimista, é intenso e crú, con cancións longas, desenrolos inesperados e momentos para a improvisación que fan de cada concerto unha experiencia única.

Froito da súa primeira xira, en marzo de 2018 sae á luz o seu primeiro traballo Arp, un EP completamente autoproducido e autoeditado cunha edición limitada feita a man de 150 exemplares. En decembro dese mesmo ano, reciben o premio da Deputación de Pontevedra ao Mellor Traballo Musical coa canción Rebirthmark.

Actualmente, coa axuda desta campaña de crowdfunding, ultiman a edición do seu novo traballo.

A que destinaremos as vosas achegas

A vosa axuda é moi importante. Sen ela, a publicación deste traballo sería imposible. De feito, toda achega será destinada aos costes de edición:

• Master: 300 €

• Producción vinilo + Cd: 1500 €

• Outras recompensas: 200 €

A nosa meta é acadar os 2000€.

Calendario previsto

Recibiredes as vosas recompensas coincidindo coa xira de presentación do traballo, entre setembro e outubro de 2019.

+ Info

FACEBOOK:Loiros_FB

INSTAGRAM:Loiros_IG

YOUTUBE:[Loiros_YT](https://www.youtube.com/channel/UCZubI7UK6Zu8ucoahGxCu5A