Cantares de... y pa neños

Sobre'l proyectu

La música asturiana cuenta con bien de cantares empleaos por neños, rapazos y mozos nos sos xuegos y actividades cotidianes. La radio y la televisión fueron arrequexando col tiempu estos cantares tradicionales, faciendo que la xente los escaeciera en beneficiu d’otros sones y d’otros cantares. De manera que, d’entós p’acá, varies xeneraciones d’asturianos perdieron dafechu’l contactu con ellos, a nun ser nel círculu familiar o d’amistá más cercanu.

Esti proyectu nació fai años como conciertu didácticu col oxetivu de tresmitir estos cantares nos centros escolares asturianos a les futures xeneraciones. Agora, la idea ye desarrollalu en formatu discográficu.

Ente los temes escoyíos pa esti discu alcuéntrense sones empleaos na danza, corros, bailles, cantares de neños, hestories...

Sobro les recompenses

Mira les diferentes recompenses, que van dende los 10 Euros, hasta los 60 Euros, y toes inclúin el gastu d'envíu a cualquier puntu de la península.

Pa que son les perres.

El discu yá lu tenemos grabáu, pa ellos trabayemos nos últimos meses nos Estudios Tutu de Corvera (Asturies) con Sergio Rodríguez y Sergio Díaz, que tamién ficieron les llabores de producción musical y arreglos. En d'ellos temes participa el multinstrumentista David Varela. P'asoleyalu faenos falta sufragar los costes de fabricación, asina que les perres que saquemos con esti micropatrociniu van ser invertíes dafechu pa facer los discos físicos.

Calendariu previstu

Les recompenses van enviase a domiciliu a mediaos del mes de xunetu.

Síguenos en:

FACEBOOK

INSTAGRAM