❗️Para poder utilizar Verkami debes hacerlo desde otro navegador. Instala o entra desde: Microsoft Edge, Chrome o Firefox. Microsoft ha dejado de actualizar el navegador Internet Explorer que estás utilizando y ha dejado de ser compatible con la mayoría de sitios web.
El enlace al proyecto se ha copiado a tu portapapeles
¡Proyecto seguido!
Te avisaremos a tu email de usuario/a cuando el proyecto esté en marcha, consiga el objetivo y antes de que termine la campaña para que puedas aportar si lo deseas.
Quero fazer um disco no que se mesture a música tradicional galega e o tekno
O projeto tem varias dimensions:
Fazer um disco, Silva, mesturando tradi e tekno.
Fazer um vídeo-documental com Alba Casas (@alb.casas, ela/elu) sobre o rural e o cuir, incluíndo os videoclips de dous temas do disco.
Fazer umhas jornadas para criar espaços de encontro entre pessoas dissidentes no rural. Nas jornadas faremos obradoiros de drag furry, umha modalidade de transformismo baseada no animal, e umha festa. Para mais info podedes ler aqui.
Fazer um livro de poesia. Betadine, para limpar as feridas.
Se conseguimos 5000€ fazemos o disco e o vídeo-docu, com 6225€ as jornadas e com 7300€ o livro. Imos alooo!
Foto atuando no Festival de Poesía de Salvaterra, por Xarda Cooperativa
Sobre o projeto
Esta ideia nace da mestura entre a música que se dá em dous espaços mui especiais: as ruas e as raves. Música das margens, organizada pola mesma gente que participa nela, para celebrar e divertir-nos bailando.
Umha rua é como lhe chamam em Terra de Montes á festa na que se junta gente a bailar, tocar e cantar música tradicional. Noutros lugares conhece-se com nomes como ruada, seram ou foliada.
Estas festas som diversas por natureça. Gente de todas as idades, cores, tamanhos, formas que pensam diferente, vistem distinto e habitam o mundo cadaquém á sua forma. E toda a gente junta-se para bailar, tocar e cantar.
As ruas som um espaço de resisténcia e celebraçom da identidade. As ruas som umha festa vencelhada ao carácter agrário e rural do nosso povo, pobre em dinheiro e rico em cultura. É música de criaçom coletiva, espontánea e oral.
Por outra parte, as raves som festas organizadas sem pedir permisso a ninguém onde a gente se junta para bailar música tekno. As raves habitam as margens reapropiando-se delas como um espaço onde sermos livres e explorar sem que ninguém nos vigile. E depois da festa a gente sabe que toca recolher o lixo e deixar igual do que o atopou.
A celebraçom da nossa identidade desde a insubmissom.
Pero, que falta aqui?
Transfeminismo. Um ponto de vista crítico para revisar os nossos privilégios, aprender sobre as nossas opressons e responsabilizar-nos do lugar que ocupamos no mundo. Juntar-nos coes nosses colegas a lamber-nos as feridas. Gente cuir movendo os marcos.
E como imos fazer isto? Tremenda missiom.
Pois co apoio de Jesucristo e da Moura. Precissamos a força de todas as divinidades, desde os nossos patrons cristianos até as ánimas benditas.
Um dia miramos atrás buscando na nossa cultura as referências e ali atopamos o que precissavamos.
Lobisomens e meigas. As pessoas malditas que som expulsadas da sociedade por ir contra o normativo, que se juntam fóra das aldeias coes sues semelhantes e conjuram as forças da natureça para fazer mágia. Dissidentes de outros tempos.
Isto é Silva. Tekno tradi, pluma antifa e paganismo cristiano.
Portada do disco, desenhado por @labixxa
As recompensas
Este projeto é autogestionado. É dizer, que ninguém manda sobre el e sae adiante se juntamos suficientes quartos para leva-lo a cabo. Podes fazer achegas desde os 3€ ata os 500€ e sobre todo move-lo muitissimo. Que todo o mundo se entere!
Se a campanha sae adiante a música vai estar subida em todas as plataformas digitais e o vídeo documental vai estar em Youtube, assim todo o mundo o vai ter disponhível.
Para compensar as achegas económicas nos curramos umhas recompensas chulissimas:
Estampitas de criaturas mitológicas: o Urco, o Loberno e o Lubisom
Parches do Rabelo para coser onde queirades.
O disco de Silva em formato físico
Umha cami exclusiva tradi raveira desenhada para este crowdfunding
O pdf do livro de Betadine (se juntamos o objectivo ideial do projeto seria o livro em papel)
Umha entrada ao conci de presentaçom de Silva em Terra de Montes com projeçom do vídeo documental.
Umha copla personalizada sobre o que queiras
Um vídeo improvisando sobre um tema da tua escolha
Um concerto acústico em privado
Estas som as recompensas!
Quem som?
Som Xanhe (el/elu), o Rabelo, umha pessoa nom binária que vive com dous cans e pessoas itinerantes na casa do antigo gardarrios em Cerdedo, alá arriba no bárrio da Pedréira. Gosto de jogar, estar tranqui e rir.
Neste projeto acompanham-me varias pessoas:
Petrowski (el), o produtor co que fixemos fantasias como SUOR desde o seu estudo de Porrinho.
Alba Casas (ela/elu), que di que fai cousas visuais, e como está investigando no seu doutoramento sobre a relaçom entre o cuir e a mitología galega, pois naceu esta colabo em formato de vídeo-documental.
Labixxa (ela/elu), desenhadore de camis fantasiosas e outros desenhos para penha cuir punki e cuki.
Sara Marchena (ela), umha pessoa profundamente rabuda e bastante riquinha, que está ao mando da produçom conseguindo-me visitas a centros e gestionando concertos e este trabalho que há detrás.
O coletivo da do Gardarrios, que sostem a vida no rural para umha pessoa coma mim.
CRU, umha produtora coa que comparto caminho e projetos e que estam sempre detrás apoiando.
Xaxa e Golfo, a minha manadita e quem me sostem.
Manadita <3
A que vam ir os quartos?
Temos um objectivo mínimo, 5000€, para fazer o disco e os vídeos. Com 6225€ podemos fazer as jornadas e com 7300€ o livro de poesia. Estas som as contas:
Disco: 1840€. Gastos de produçom, mestura, masterizaçom e umha tirada de 300€ CD físicos.
Vídeos: 600€. Gravaçom dum videoclip-documental a preço de custo.
Jornadas: 800€. Custo dos obradoiros e outros gastos.
Desenhos: 850€. Desenho da portada e o livreto do disco, portada do livro, camis, estampitas e outros materiais para a difu do projeto.
Merchandising: 860€. Camis, estampitas, parches e outros materias de promo.
Envíos: 500€. Correios.
Verkami: 300€. A página leva o 5%.
IVE: 1323€. O Estado leva o 21%.
Gráfica de gastos
Calendario previsto
A ideia é ir sacando os vídeos no veram e preparar todo para lançar o disco em outono, pero por se acaso ponhemos de praço máximo janeiro do ano que vem porque nom está a vida para ir com pressas.
+ Info
Podedes seguir a campanha a través do meu Instagram e do blog desta mesma página.
Venho recordar que hoje estarei em Lugo merendando ás 18 h no Vanity Cakes (praza da Soidade, 12, Lugo), onde organicei com Itxi Guerra umha merenda diska kuir para calquera que se queira sumar e tomar umha infu e falar da vida. Vou levar as recompensas do crowdfunding, entom agradeço a quem avise de que vaia vir recolhe-las para fazer-me umha ideia.
Logo irei com Itxi, que ás 19.30 h vai presentar o seu último livro, "Ruptura y reparación de la máquina. Escritos desde un cuerpo lisiado" em Leira (praza do Campo, Lugo), onde vos convidamos a vir também :)
Aqui está o cartel!
O sábado temos jornada no CSOA Escárnio e Maldizer (rua Algalia da Riba, 11), onde ás 17 h presentarei com Itxi o seu livro e mais Betadine, e também Silva. Depois haberá presentaçom em direito em concerto ás 18.30 h, e logo haberá festa com pinchadas de Esmorgadas. Toda a jornada é á gorra :)
programaçom do 9 de março
Cartaz da festa do 9 em Compos
As pessoas que vaiades vir ao Escárnio, se me avisades também agradeço para poder ter conta de quem vêm.
Também se tedes propostas dalgum lugar onde deixar para recolher em Lugo e Compostela as recompensas se nom podedes vir estes dias, fico atento aos comentários e correios que me mandedes.
Manhá estarei em Ferrol presentando Betadine e Silva junto com Itxi Guerra, que estará presentando Ruptura y reparación de la máquina. A presentaçom será ás 19 h e ás 22 h faremos umha misa anticapacitista cheia de fantasia, reflexions e esperança. Será no Centro Social Artabria :)
Aqui!
Manhá também saem os pacotes que quedavam por recolher de Lugo e a Corunha. Recordo que os pacotes das pessoas de Vigo estam na Morada, onde irei recolher os que quedem proximamente para enviar a casa. Se algumha pessoa nom receveu as suas recompensas, nom cubriu no seu momento o formulario ou passou calquera cousa, tem de margem este mes de junho e depois dessa data pechamos este processo de Silva.
Muitissimas graças a todes por todo ao longo deste último ano. Agardo que esteades desfrutando da música, da poesia, dos… leer más
Esta semana estarei em equipa com Itxi Guerra presentando no Courel! Eu levarei tanto Betadine como Silva e Itxi o seu novo livro Ruptura y reparación de la máquina. Nesta presentaçom falaremos sobre os livros e o disco, sobre como se relacionam entre eles e como vivimos um processo mui parecido em que o diska e o cuir tenhem grande relevância no processo de identificar as dores, entende-las e o caminho emocional para a transformaçom individual e coletiva.
Com respeito ás recompensas, actualizo a info dos pacotes que faltavam por enviar:
As recompensas de LUGO estam em Leira, na praza do Campo, podedes contactar com elus por instagram a través de @leira.haus. Tedes dous meses para recolhe-las, até o 31 de maio. Se alguém tem problemas, que me diga e solucionamos!
Venho recordar que hoje estarei em Lugo merendando ás 18 h no Vanity Cakes (praza da Soidade, 12, Lugo), onde organicei com Itxi Guerra umha merenda diska kuir para calquera que se queira sumar e tomar umha infu e falar da vida. Vou levar as recompensas do crowdfunding, entom agradeço a quem avise de que vaia vir recolhe-las para fazer-me umha ideia.
Logo irei com Itxi, que ás 19.30 h vai presentar o seu último livro, "Ruptura y reparación de la máquina. Escritos desde un cuerpo lisiado" em Leira (praza do Campo, Lugo), onde vos convidamos a vir também :)
Aqui está o cartel!
O sábado temos jornada no CSOA Escárnio e Maldizer (rua Algalia da Riba, 11), onde ás 17 h presentarei com Itxi o seu livro e mais Betadine, e também Silva. Depois haberá presentaçom em direito em concerto ás 18.30 h, e logo haberá festa com pinchadas de Esmorgadas. Toda a jornada é á gorra :)
Apareço por aqui para presentar os próximos eventos que vai haber arredor da Galiza para presentar o resultado deste projeto :)
Esta gira sera coa inestimável companhia de Itxi Guerra, que também estará presentando o seu livro "Ruptura y reparación de la máquina. Escritos desde un cuerpo lisiado".
Começamos!
Estaremos em Vigo, Lugo, Compos, Ourense, Ponte Vedra, O Courel e A Corunha neste mes. A todas as presentaçons e merendas levarei as recompensas de crowdfunding de cada lugar, assim que se necessitades algo respeito a isto fazede-me saber :)
As que nom se recolham no dia enviarei-nas por correio.
Aqui vai um resumo das actividades e um link á minha conta de Instagram com toda a info, pincha aquí!
Venho anunciar que estamos preparando gira de presentaçom de Silva e Betadine pola Galiza ao longo do mes de março. Esta gira vou faze-la com Itxi Guerra, que também estará presentando o seu novo livro, Ruptura y reparación de la máquina. Escritos desde un cuerpo lisiado.
Estaremos em Vigo, Compos, Lugo, A Corunha, Ourense, Ponte Vedra e o Courel!!
Ademais de convidar-vos quero aproveitar para lembrar que as pessoas que tenhem que recolher as suas recompensas poderam faze-lo estes dias.
Ao remate da gira os paquetes que nom foram recolhidos seram enviados por correio. Contactade-me para mais info!!
Venho pedir ajuda e também anunciar umhas cousinhas.
Primeiro o da ajuda:
Estou empezando a organizar presentaçons de Betadine e Silva pola Galiza, entom queria pedir-vos que se queredes organizar umha presentaçom na vossa aldeia/vila/cidade contactedes comigo.
A ideia é fazer presentaçons do livro e do projeto na Galiza em livrarias e centros sociais ao longo de janeiro e fevereiro. Estou fazendo equipa com Itxi Guerra para isto, que também está a presentar o seu livro (Ruptura y reparación de la máquina), um pedazo curro sobre anticapacitismo e muito mais.
Também imos ir de viagem a Salamanca, Madrid e Andalucia entre finais de janeiro e princípios de fevereiro. E para abril (aprox) imos organizar gira por Euskal Herria.
Agora, anúncios.
Este venres 15 de decembro farei concerto em Pontedeume na Sala Guiom. Deixo aqui o cartelinho coa info
Onte preparei todos os paquetes das pessoas que participastes no crowdfunding!
Entom agora venhem varias opçons. Estamos rematando novembro e agora decembro todes sabemos que a vida paraliza-se dumha forma estranha co nadal e o cambio de ano, entom a partir de janeiro vou organizar presentaçons do projeto em varios lados.
Opçom 1: se tes presa por que te cheguem as recompensas antes de Nadal, escreve-me e mando-cho.
Opçom 2: se queredes que organice presentaçom do projeto na tua aldeia/vila/cidade, escreve-me e organizamos e fago as entregas em mao.
Na Galiza imos fazer presentaçons polo momento em Cerdedo, Ponte Vedra, Vigo, Compostela, Lugo, Ourense e A Corunha.
Fóra da Galiza seguramente vaiamos pronto a Euskal Herria, Andalucía e Madrid.
Em princípio a semana próxima fago envios de recompensas de envío urgente que… leer más
Escrevo por aqui para informar de que mui pronto vam estar as recompensas listas para ser mandadas. Estou agardando a que cheguem os livros de Betadine, que estam ao caer, para começar a fazer pacotes e enviar.
Mui probabelmente se há cidades nas que há muitos envios organizarei presentaçom de Betadine nalgumha livraria para ter dia de encontro físico e deixar nalgum lugar de referéncia os pacotes para que vaiades busca-los (p.ej. em Ourense no CS A Galheira).
Também em quanto esteam listos podedes vir por Cerdedo a busca-los se vos apetece!
Este venres é a estreia dum novo single de Silva, VI. Passodobre. Também vos conto que estou enviando a imprenta o CD de Silva e o livro de Betadine, assim como mandando as camisolas, assim que para Nadal pode ser que o Apalpador vos faga chegar as recompensas :)
Mando-vos por aqui o CD completo para descargar, para que o tenhades antes ca ninguém.
Também recordo que o próximo venres estrea-se umha cançom super especial do disco, a VII.Ronda :)
E finalmente o 27 de outubro lanza-se o disco completo em todas as plataformas junto co último videoclip, o VI. Passodobre.
Também comentar que este sábado 14 estarei na Capitol no conci de Bewis de la Rosa, que haberá muitas sorpresas e desde logo que vai ser um concertazo!!
Mando umha aperta enorme e agardo que esteades bem.
Rematou a campanha e volvo escrever com agradecemento por mover isto e chegar a cubrir o segundo objectivo com 6388€
Com esta quantidade dá-nos para editar o disco, fazer o vídeo-documental e cubrir as jornadas de animalidade cuir que se fixerom com motivo da gravaçom do docu. Nom chegamos á quantidade necessária para editar o livro de poesia, pero estamos vendo outras formas :)
Estou enormemente agradecide. Ando algo abrumade depois de 40 dias de muitissimo trabalho, difu e umha viagem emocional bastante guapa.
Vou empregar este médio para fazer-vos saber o avance do projeto. De momento o calendário previsto seria algo coma isto:
VERAM:
Fazer disco
produçons, gravaçom, mestura, masterizaçom...
Sacar vídeo-docu
Anunciarei em quanto tenhamos datas :)
Concis
E ademais vou tocar em bastantes lados. Seguide o meu insta para ver as datas <3 @iarnaldhu
OUTONO:
O disco estará depois do veram listo, irei contando mais sobre os plans que temos em mente.
Queria escrever esta messagem para agradecer que vos sumarades a este projeto.
Sinto algo mui bonito no peito quando a gente confia desta forma, sem saber mui bem o que está por vir.
Por isto sinto muito agradecemento.
Quedam 18 dias de campanha e há bastante que conseguir. Sinto que toda a gente que já me conhece e me apoia o fai um pouco confiando a cegas, co incrível que isso é.
Agora vem a parte difícil de chegar a gente que nom me conhece, e para isso quizais tenho que explicar um pouquinho mais de que vai o projeto e por que mola tanto.
Estou subindo vídeos a Instagram contando sobre os eixos temáticos principais do disco, o cuir, o dissidente, o político, a mitologia...
Deixo-vos aqui um no que conto a minha opiniom sobre a dissidéncia e a transformaçom social e aqui outro que fixem com Bea da produtora CRU sobre a raçom pola que a gente dissidente fazemos crowdfundings.
A semana que vém vou subir a Insta também umha mostra de cada tema do disco!! Aqui
Arrancamos já este projeto e levamos 6 dias de recolheita.
Escrevo este primeiro post para agradecer as pessoas que apoiastes o despegue, que é super importante para empeçar com forças a carreira longa de 40 dias.
Fixemos o sorteio por instagram da camisola para as pessoas que fixerom achega nas primeiras 24 h, ganou Rosalía Álvarez :)
Despido-me agradecendo profundo que ponhades quartos para despegar este projeto. Graças de coraçom.
Aperta enorme,
Rabelo
Widget vertical/Widget horizontal
Escoge el estilo que quieras, pincha en 'Copiar código' y pégalo para insertarlo en tu web.
Cerrar
El código del widget se ha copiado a tu portapapeles.
El usuario no existe
El email que se ha proporcionado para la creación de la aportación manual no corresponde a ningun usuario. Comprueba el email e inténtalo de nuevo.
19 comentarios
Si ya eres mecenas, Inicia sesión para comentar.
Lara Moleón
💞🖤
Brownale27
Sortee✨🔥
Erica
Pois xa foron os últimos euriños para chegar xa os 5000
Vicky Estévez
Sinto que non sexa máis!!
Sara Chuerches
Boa sorte 💫
Marta
A seguir adiante! :)
petrowski
Veña, que sae! 🔥❤️
Andrea Rodriguez
🙌🏽
Damián Eiral
A proposta ben merece unha axuda, comparto a mesma visión, noraboa por ser capaz de materializala. Con moitas galas de escoitar o traballo completo!
Crisdecaldas
Deséxoche toda a sorte do mundo!